DEYNEKA Aleksandr Aleksandrovich

DEYNEKA Aleksandr Aleksandrovich [1899.8(20).5, Kursk – 1969.12.6, Moskva] — rus rassomi. Xarkov rassomlik bilim yurtida (1915—17) va Moskva Oliy badiiy texnika ustaxonasida (1920—25) taʼlim olgan. Ijodida davr ruhi, joʻshqin hayot, fidokorona mehnat, sport, lirik mavzular yetakchi oʻrin tutadi. Asarlari: «Yangi sexlar qurilishida» (1926), «Ona» (1932), «Boʻlajak uchuvchilar» (1938), «Sevastopol mudofaasi» (1942) va b. ; Moskva metropolitenining «Mayakovskiy» (1938—39) va «Novokuzneskaya» (1943) bekatlari va b. ga ishlangan asarlari, koshinlari mashhur.