DEKRET

DEKRET (lot. decretum — farmon, qaror) — oliy hokimiyat yoki boshqaruv organi chiqargan va qonun kuchiga ega boʻlgan qaror. Dastlab «Dekret» iborasi qad. Rimda ishlatilgan. Sobiq SSSRda 1936-y. gacha davlat hokimiyati oliy organlarining eng muhim hujjatlari «Dekret» nomi bilan atalgan. Hoz. Fransiyada Dekretni prezident va bosh vazir chikaradi, bunda prezident Dekreti bosh vazir yoki tegishli vazir imzo chekkandan keyin yuridik kuchga ega boʻladi. Fransiya konstitutsiyaviy tizimini qabul qilgan Afrikadagi bir necha davlatlarning prezidentlari ham Dekret chiqaradi. Angliya-saksoniya huquqiy tizimi mamlakatlarida ayrim sud qarorlari Dekret deb ataladi.