DARVOZA

DARVOZA — shahar, qalʼa, saroy, qoʻrgʻon, hovli va b. ning kirish joyiga oʻrnatiladigan katta eshik, qopqa. Qadimda Oʻrta Osiyo shaharlarining atrofi qalʼaband mudofaa devorlari b-n oʻralgan boʻlib, bir nechtadan Darvoza lari (mas, Toshkentning 12 ta, Buxoroning 11 ta, Xivaning 10 ta Darvoza si.) boʻlgan. Darvozalar odatda archa, kayragʻoch daraxtlari yogʻochidan yasalib, usti temir hoshiya b-n qoplangan, turli zulfinlari badiiy naqshlar bilan bezatilgan. Darvoza larning yuqori qismi koʻpincha panjarali boʻlgan.