BURNASHEVA

BURNASHEVA Qamara (1920.8.3 Andijon — 2000.31.5) — Oʻzbekiston xalq artisti (1960). 1934-y. dan Y. Oxunboboyev nomidagi Andijon musiqali drama va komediya teatrida (1943-y. Samarqand teatrida) aktrisa. Mashhur rollari: Gulbahor, Tojixon («Boy ila xizmatchi», «Xolisxon»), Julyetta («Romeo va Julyetta»), Hafiza («Shohi soʻzana»), Katerina («Momaqaldiroq»), Shirin («Farhod va Shirin»), Layli («Layli va Majnun»), Nurxon («Nurxon»), Farmonbibi («Kelinlar qoʻzgʻoloni»), Nodira («Nodira»), Shohsanam («Oshiq Gʻarib va Shohsanam») va b. B. serqirra aktrisa boʻlib, oʻtkir hajviy, lirik va murakkab psixologik rollar ustasi sifatida tanilgan.