BRONEPOYEZD

BRONEPOYEZD — parovoz (teplovoz) va platformalari zirhli harbiy poyezd. T. y. da jang qilish, t. y. atrofidagi qoʻshinlarga yordam berish, muhim t. y. uzellarini, koʻpriklar va b. muhim obyektlarni mudofaa qilish vazifalarini bajargan. Bronepoyezd tarkibida zirxli parovoz (teplovoz), 3—6-maydoncha, 2 — 4 nazorat platformalari boʻlgan. Zirhli maydonchaga (2 yoki 4 oʻqli, zirhlangan t. y. platformasiga) 1—2 toʻp, 3—6 pulemyot oʻrnatilgan. Bronepoyezdlar ljahon va 2-jahon urushlarida qoʻllanilgan.