BRITISH SKAY BRODKASTING

«BRITISH SKAY BRODKASTING» (BiSkayBi) (British Sky Broadcasting — BSkyB) — Yevropadagi sunʼiy yoʻldosh orqali telekoʻrsatuvlar beruvchi eng yirik xususiy kompaniyalardan biri. 1990-y. da K. R. Myordokning «Skay Televijn» (Sky Televisione) kompaniyasi bilan «British Satellayt Brodkasting» (British Satellite Broadcasting) konsorsiumi qoʻshilishi natijasida tashkil boʻlgan. Londonda joylashgan. Gʻarbiy Yevropa uchun ingliz tilida 6 kanal (ommaviy koʻngil ochar tomoshalar, komediyalar, sport koʻrsatuvlari, yangiliklar; kinofilmlar — 2 kanal) da koʻrsatuvlar beradi.