Quyida keltiriladigan fikrlar, hikmatlar ijtimoiy tarmoqlardagi turli sahifalardan olib tarjima qilingan. Bundan tashqari sahobai kiromlar, ulugʻ olimlar, Yaqin Sharq, Osiyo, Yevropa va Amerika mutafakkirlarining bir qator fikrlari ham berilgan.
*****
Agar senga nisbatan hasad qiluvchi odam boʻlmasa, demak, sen muvaffaqiyatsiz kishi ekansan.
Muhammad Shaʼroviy rahimahulloh
*****
Boshqalarning ogʻizlarini berkitolmasang, unda oʻzingning quloqlaringni berkit!
“Fikr durdonalari”
*****
Agar ular devor ustida ketayotgan chumolini koʻrib qolsalar, u yoʻlini oʻzgartirishi uchun oʻsha yerga barmoqlarini qoʻyib turadilar. Ana shunday kimsalardan seni oʻz holingga qoʻyishlarini kutyapsanmi?
“Tarix muhrlagan soʻzlar”
*****
Qurol qoʻrqoqlarining qoʻlida, mol-pul oʻgʻrilarining qoʻlida, qalam-ruchka munofiqlarining qoʻlida boʻladigan xalqda yaxshilik yoʻq.
“Tarix muhrlagan soʻzlar”
*****
Bir kishi oʻzining koʻrinishi, kiyimlarining bejirimligi bilan maqtandi. Shunda Suqrot: “Gapirchi, shunda qandayligingni bilaman” dedi.
“Tarix muhrlagan soʻzlar”
*****
Yaxshilik qil! Kuni kelib qilgan yaxshiliging senga oʻzing kutmagan tomondan qaytadi.
“Tarix muhrlagan soʻzlar”
*****
Vafo – oldingda qilinayotgan ish bilan emas, balki ortingdan nimalar sodir boʻlishi bilan oʻlchanadi.
“Tarix muhrlagan soʻzlar”
*****
Agar ogʻriqni his qilsang, demak, tiriksan. Agar boshqalarning ham ogʻriqlarini his qilsang, demak, insonsan.
“Tarix muhrlagan soʻzlar”
Internet materiallaridan toʻplab, tarjima qiluvchi
Nozimjon Iminjonov
https://saviya.uz/ijod/nasr/boshqalarning-ogizlarini-berkitolmasang-unda-ozingning-quloqlaringni-berkit/