BODOM

BODOM — naqsh turi; tuzilishi bodom mevasi shakliga oʻxshash. «Bodom gul», «naqshi Bodom», «qalampirgul» deb ham ataladi. Sharq, jumladan Oʻrta Osiyo, Old va Jan. Osiyo mamlakatlari amaliy sanʼati (kandakorlik, miskarlik, naqqoshlik, kashtadoʻzlik, matoga gul bosish va b.)da keng tarqalgan. Bu naqsh miskarlik, ayniqsa, doʻppidoʻzlikda keng ishlatiladi, toʻqimachilikda bu naqsh mujassamoti kashmiriy deb yuritiladi. Bodom nusxa doʻppilar orasida xususan Chuyet doʻppilari mashhur.