BIZERTA

BIZERTA — Tunis shim. dagi shahar. Bizerta viloyatining maʼmuriy markazi. Aholisi 95 ming kishidan ziyod. Oʻrta dengizga kanal bilan tutashgan Bizerta koʻli sohilidagi yirik port, t. y. stansiyasi. Mamlakatning savdo-sanoat markazi. B da dastlab finikiyaliklar, soʻngra qad. rimliklar, 698-y. dan arablar, 1535 — 72 y. larda ispanlar hukmronlik qilgan. 1881 — 1956-y. larda Fransiya protektorata va 1963-y. gacha yirik harbiydengiz bazasi boʻlgan. Neftni qayta ishlash z-di, rangli metallurgiya, sement, kemasozlik, yengil va oziq-ovqat sanoati korxonalari bor. Hunarmandchilik (gilam, toʻr toʻqish) rivojlangan. Bizerta orqali chetga temir rudasi, qoʻrgʻoshin, sement, zaytun moyi va b. q. x. mahsulotlari chiqariladi.