BISKAY QOʻLTIGʻI

BISKAY QOʻLTIGʻI — Atlantika okeanidagi qoʻltiq. Yevropaning gʻarbiy sohilida. Ispaniyaning shim. va Fransiyaning gʻarbiy qirgoklari oraligʻida. Mayd. 200 ming km2. Oʻrtacha chuq. 1715 m, eng chuqur joyi 5100 m. Quruqlikka 400 km kirib borgan. Biskay qoʻltigʻiga Luara va Garonna daryolari quyiladi. Tez-tez dovullar boʻlib turadi. Suvining t-rasi fev. da 5 — 12°, avgda 10—22°. Shoʻrligi 35%«. Suv qalqishi sutkalik, 6,7 m gacha. Asosiy portlari: Bordo, Brest, SanSebastyan, Bilbao. Baliq va ustritsa ovlanadi.