ҚЎЛЛАШ БЎЙИЧА ЙЎРИҚНОМА
БИОЛЕК Туберкулин ППД-Л
BIOLEK Tuberculin PPD-L
Препаратнинг савдо номи: БИОЛЕК Туберкулин ППД-Л
Таъсир этувчи модда (ХПН): туберкулин tuberculin.
Дори шакли: тери ичига юбориш учун эритма.
Таркиби:
Препаратнинг бир дозаси 0,1 мл қуйидагиларни сақлайди:
фаол модда: туберкулопротеин (аллерген-туберкулопротеин) – 2 туберкулин бирлиги (ТЕ);
ёрдамчи моддалар: полисорбат – 80 – 5 мкг, фенол – 275 мкг, натрий гидрофосфат додекагидрати – 783 мкг, калий дигидрофосфати – 63 мкг, натрий хлориди – 457 мкг, инъекция учун сув – 0,1 мл гача.
Таърифи: препарат чўкма ёки ёт аралашмаларни сақламайдиган рангсиз тиниқ суюқликдир.
Фармакотерапевтик гуруҳи: диагностик восита.
АТХ коди: V04CF01.
Фармакологик хусусиятлари
Препарат туберкулёз микробактерияларининг одам ва қорамолдан олинган турларини культурасини қиздириш йўли билан ўлдирилган, ультрафильтрация ёки бошқа усул билан тозаланган, трихлорсирка кислотаси билан тиндирилган, этил спирти ва наркоз эфири билан ишлов берилган ва барқарорлаштирувчи эритувчида (полисорбатом 80 билан фосфат-буферли-тузли эритмада) эритилган фильтратдир.
Иммунологик ва биологик хусусиятлари
Препаратни таъсир этувчи субстанцияси – аллерген-туберкулопротеин – тери ички туберкулин синамаси қўйилганида туберкулез микобактериялари билан инфекцияланган ёки БЦЖ вакцинация қилинган организмда маҳаллий реакция кўринишда секин авж олувчи турдаги специфик аллергик реакция –– гиперемия ва инфильтрат (папула) чақиради.
Қўлланилиши
Препарат 0,1 мл да 2 ТЕ ёрдамида тери ички туберкулинли Манту синамасини қўйиш учун мўлжалланган:
- туберкулёзни диагностикаси ва латент туберкулёз инфекцияси бўлган хавф гуруҳини аниқлаш учун;
- аҳолини туберкулёз билан инфекцияланганлигини (ёки агар айни пайтда ўрин тутган поствакцинал аллергия инфекцияланганлик ҳақида сўз юритишга асос бўлмаса, туберкулинга юқори сезувчанлик ҳолатини) аниқлаш учун;
- БЦЖ ревакцинацияси учун контингентни ажратиб олиш мақсадида қўлланилади.
Қўллаш усули ва дозалари
Юбориш усули – тери ичига 0,1 мл дан (Манту бўйича). Манту синамасини ўтказишдан олдин шифокор кўриги ва термометрияни ўтказиш шарт. Манту синамаси қатъий асептик ҳолатда қуйидагича қўйилади: билакнинг ўрта қисмининг ички юзасини териси 70о этил спирти билан ишлов берилади ва стерил пахта билан қуритилади. Туберкулин диагностикасини ўтказишдан олдин препаратли ампулалар синчковлик билан кўрикдан ўтказилади, чайқатилади ва 70° этил спирти билан намланган дока билан артилади, сўнгра ампуланинг бўйни скарификатор билан арраланади ва синдирилади. Препаратнинг керакли миқдорини (0,2 мл) № 0,8х40 стерил игнаси бўлган, шкала бўлинмаси 0,1 мл ли 1 мл сиғимга эга бир марталик шприц ёрдамида тортиб олинади. Сўнгра шприцга тери ичига юбориш учун № 0,4х13 ўлчамдаги стерил игна ўрнатилади, препаратнинг ортиқча миқдори стерил тампонга чиқариб юборилади ва тери ичига 0,1 мл юборилади. Юбориш техникаси тўғри бўлганида терида оқиш рангли диаметри 8 мм атрофида бўлган инфильтрат – «лимон пўстлоғи» ҳосил бўлади. Ҳар бир текширилувчи учун алоҳида шприц ва игна ишлатилади. Ўзи блокланадиган шприцлар бўлса, шприцга 0,1 мл туберкулин эритмасини тортиб олиш мумкин.
Очилган ампула асептик шароитда кўпи билан 2 соат сақланади.
Доза ўлчами – 0,1 мл барқарорлаштурвчи эритувчида сақланувчи 2 туберкулин бирлик (ТБ). Манту туберкулин синамасини шифокор кўрсатмаси бўйича қўйилади. Манту синамасини қўйиш ва баҳолаш шифокор томонидан ва шифокор назорати остида махсус ўқитилган тиббиёт ҳамшираси томонидан амалга оширилади.
Манту синамасининг натижалари 72 соатдан кейин баҳоланади. Папуланинг ўлчамини шаффоф миллиметрли линейка ёрдамида ўлчаланади. Папулани максимал кўндаланг диаметри (қўл асосига нисбатан) ўлчанади, бунда гиперемия зонаси ҳисобга олинмайди. Игна санчилган жойдек реакция (0-1 мм) бўлганида реакция манфий; папуланинг катталиги 2 мм дан 4 мм гача бўлганида ёки ҳар қандай ўлчамли гиперемияда – гумонли, 5 мм ва ундан ортиқ ўлчамли папула бўлганида эса – мусбат ҳисобланади. Болалар ва ўсмирларда 17 мм ва ундан катта папула, катталарда 21 мм ва ундан катта папула ҳосил бўлганида, шунингдек папуланинг ўлчамидан қатъий назар, везикуло-некротик реакция, лимфангоит ва регионар лимфаденит бўлганида реакция гиперергик ҳисобланади.
Синама пациент ўтирган ҳолатида ўтказилади. Синама ўтказилганидан кейин пациент камида 30 минут давомида шифокор (тиббиёт ҳамшираси) кузатуви остида бўлиши лозим.
Ножўя таъсирлари
Организмнинг специфик реактивлик даражасига боғлиқ:
- специфик реактивлик ҳолати бўлмаган ҳолларда маҳаллий ва умумий кўринишлар кузатилмайди, препаратга реакция манфий ҳисобланади;
- инфекция қўшилганида ёки поствакцинал аллергия бўлган ҳолларда инфильтрат (папула) ва гиперемия кўринишидаги маҳаллий реакция кузатилади. Айрим ҳолларда туберкулинга юқори аллергик даражаси бўлган шахсларда маҳаллий реакциялар, катта папула ва гиперемия билан бир қаторда лимфангаитлар ва лимфаденитлар билан кечиши мумкин.
Туберкулинни юборилганда келтирилган ножўя таъсирлар:
- маҳаллий кўринишлар (> 1/100) – оғриқ, инъекциядан кейин ўша заҳоти инъекцияни юбориш жойида оғриқ сезувчанлиги ёки дискомфорт;
- умумий кўринишлар (< 1/100) – бош оғриғи, лоҳаслик, тана ҳароратини ошиши;
- баъзида кузатиладиган реакциялар (< 1/1000) – аллергик реакциялар.
Қўллаш мумкин бўлмаган ҳолатлар
- тери касалликлари;
- ўткир, сурункали инфекцион ва зўрайиш босқичидаги соматик касалликлар;
- аллергик ҳолатлар (бронхиал астма, яққол тери кўринишлари билан кечувчи идиосинкразиялар, ўткир ва ўткир ости фазасидаги ревматизм);
- тутқаноқ;
- болалар жамоасида юқумли касаллик юзасидан карантин бўлган ҳолларда қўллаш мумкин эмас.
Манту диагностик синамаси юқорида кўрсатилган клиник симптомлар йўқолганидан кейин ва болалар жамоасида юқумли касаллик юзасидан карантин тугаганидан кейин камида 1 ойдан сўнг ўтказилади.
Махсус кўрсатмалар
Профилактик эмлаш ва Манту биологик диагностик синамаси орасидаги танаффуз камида 1 ойни ташкил этиши лозим.
Режали эмлашларни Манту синамасини ҳисобга олгандан кейин – 72 соатдан сўнг ўтказиш мумкин. Қўллаш мумкин бўлмаган ҳолатларни аниқлаш мақсадида шифокор туберкулин синамаларини ўтказиш куни туберкулинодиагностикаси ўтказилиши лозим бўлган шахсларда анамнезни йиғиш ва тиббий кўрикни ўтказишни амалга оширади.
Туберкулинодиагностикани амалга ошириш учун махсус тайёгарликдан ўтган ва туберкулинодиагностикани ташкил этиш қоидаларини биладиган ва ўтказиш техникасига эга, шунингдек реакциялар/асоратлар ривожланган ҳолларда шошилинч ёрдам кўрсатиш кўникмаларига эга бўлган тиббиёт ходимлари (шифокор, фельдшер, тиббий маълумотга эга кичик мутахассис) жалб этилиши мумкин.
Манту диагностик синамасини ўтказишдан олдин шифокор албатта препаратнинг қўллаш бўйича йўриқномаси билан танишиб чиқиши, шунингдек туберкулинодиагностикасини ўтказгандан кейин нохуш оқибатлар юз бериши мумкинлиги тўғрисида пациентни (боланинг ота-онаси ёки унинг бошқа қонуний вакилларини) олдиндан хабардор қилиши керак.
Препарат болалар ололмайдиган жойда сақлансин ва яроқлилик муддати ўтгач қўлланилмасин.
Чиқарилиш шакли
2 ТЕ/доза фаолликка эга 0,6 мл (6 доза) дан, 2 ТЕ/доза фаолликка эга 1,0 мл (10 доза) дан, 2 ТЕ/доза фаолликка эга 3,0 мл (30 доза) дан 10 ампула ўрамда.
Ёки комплект: 2 ТЕ/доза фаолликка эга 0,6 мл (6 доза) дан, тортиб олиш учун игнали 3 та шприц, юбориш учун 3 та игна билан ўрамда.
Ёки комплект: 2 ТЕ/доза фаолликка эга 1,0 мл (10 доза) дан, тортиб олиш учун игнали 5 та шприц, юбориш учун 5 та игна билан ўрамда.
Ҳар бир ўрамга қўллаш бўйича йўриқнома ва скарификатор жойланади.
Синдириш халқаси ёки нуқтаси бўлган ампулалар ўрамига скарификатор жойланмайди.
Сақлаш шароити
2 С дан 8 С гача ҳароратда сақлансин. Музлатилмасин.
Яроқлилик муддати
2 йил.
Дорихоналардан бериш тартиби
Даволаш-профилактика муассасалари учун.