Xayolparast yoshligimni eslasam jim,
Orzu bilan olar edim bir janonni.
Tegmasligi aniq bo`lsa hamki menga,
Eh, Lolaxonni sevar edim, Lolaxonni. (x2)
Eslayman men dilginamning armonlarin,
Ortda qolgan yosh davrimning davronlarin.
Yuragimda o`chmas sevgimning dog`lari,
Eh, Lolaxonni sevar edim, Lolaxonni. (x2)
Kapalaklar silar ekan sevgan gulin,
Ko`rdim tongda shabnamlari qo`nganini.
Kim bilibdi men hofizning sevganini,
Eh, Lolaxonni sevar edim, Lolaxonni. (x2)
Lolaxonni sevar edim, Lolaxonni…
Ushbu qo`shiq matni uchun Shahnoza (@shahnoz_art)ga minnatdorchilik bildiramiz.