AZIN BOʻYOQLAR

AZIN BOʻYOQLAR — urfa rangdagi (qizildan koʻkkacha) boʻyovchi sintetik moddalar, fenazin hosilalari. Ular anilin va paradiaminobenzolni birgalikda oksidlash yoʻli bilan olinadi. Azin boʻyoqlar qaytarilganda rangsiz leykobirikmalarga aylanadi va ulardan havodagi kislorod taʼsirida qaytadan boʻyoq hosil boʻladi. Azin boʻyoqlarning asosli va kislotali xossaga ega boʻlgan turlari maʼlum. Azin boʻyoqlar ip gazlama, shoyi, jun gazlama boʻyashda; baʼzilari fotografiyada desensibilizator sifatida ishlatiladi.