AZIMOV Sherali Azimovich

AZIMOV Sherali Azimovich (1928 — 1993) — gelmintolog olim, Oʻzbekistonda xizmat koʻrsatgan fan arbobi (1976), veterinariya fanlari d-ri, prof. (1972), Oʻzbekiston (hoz. Samarqand) qishloq xoʻjaligi in-tining veterinariya f-tini tamomlagan. Oʻzbekiston veterinariya i. t. in-ti gelmintologiya lab. mudiri (1957— 64), in-t direktori (1965 — 78). 1979-y. dan Samarqand qishloq xoʻjaligi insitutida prof. Ilmiy ishlari Oʻzbekistonda uchraydigan asosiy gelmintoz kasalliklarining epizootologiyasi, patogenezi, diagnostikasi va ularga qarshi kurash choralariga bagʻishlagan.