ATRIBUTSIYA

ATRIBUTSIYA (lot. atributio — nisbat bermoq) — badiiy asar (rasm, haykal va b.)ning asilligini, muallifini, yaratilgan joyi, vaqtini aniqlash. Sanʼatshunoslikda asarning uslubi va yaratilish xususiyatlari (material, kompozitsiya, ijodkorning oʻziga xos uslubi va h. k.) tahliliga asoslanadi. Dastlab mutaxassislarning tajribaviy bilimi va hissiy xulosalariga asoslangan Atributsiya 19-a. oxiridan ilmiy uslubiy taxlil, kim-yoviy va fizik tadqiqotlar (makro – va mikrosuratga olish, rentgenografiya, infraqizil, ultrabinafsha nurlar va b.) natijalariga tayanmoqda.