ASFALT-BETON YOTQIZISH MASHINASI

ASFALT-BETON YOTQIZISH MASHINASI — asfalt-beton, bitum va mineral aralashmasini bir tekis yoyib, zaminga yotqizadigan kurilma. Ish unumdorligi boʻyicha oʻta ogʻir (300 t/ soatdan ortiq), ogʻir (150—300 t/soat), oʻrtacha (75—150 t/soat) va yengil (25 t/ soat gacha) turlarga, yurish qismining turi boʻyicha gusenitsali, gʻildirakli va aralash xillarga boʻlinadi. Oʻzi agʻdaradigan avtomashinadan kurilma bunkeriga tashlangan aralashma kurakli taʼminlash shneklariga uzatiladi; shnek aralashmani zarur kenglikda yoyadi. Shibbalovchi gʻaltak aralashmani tekislaydi va zichlaydi. Yotqizilgan qatlamni tekislash plitasi pardozlaydi. Aralashma plitaga yopishmasligi uchun u maxsus kurilma bilan qizdiriladi.