ASALARI QUTISI

ASALARI QUTISI — asalari oilasini boqish uchun maxsus jihozlangan quti. Yogoch taxtalardan yasaladi. Asalari boqiladigan qutilar 19-a. boshlarida yaratilgan. Asalari qutisining Dadan-Blatt, yotiq, Rut turlari bor. Dadan-Blatt qutisi asosiy uya qutisidan va bir yoki ikkita magazindan (qoʻshimcha ustki qutidan) iborat. Qutiga eni 435 mm, boʻyi 300 mm li 12 rom, magazinlarga boʻyi 150 mm li 12 rom joylashadi. Yotiq asalari qutisi – korpus va qopqokdan iborat. 16 — 24 rom joylashadi. Rut Asalari qutisining tag poli sugʻurib olinadigan boʻlib, quti va 1 — 2 magazindan iborat. Har qaysi qutiga va magazinga eni 435 mm va boʻyi 230 mm 10 rom joylashadi. Oʻzbekistonda, asosan, Dadan-Blatt va Rut tik A. q. dan foydalaniladi.