ANOSMIYA

ANOSMIYA (yun. an — inkor qoʻshimchasi va osme — hidlov, hid bilish) — hid bilmaslik; koʻpincha burun boʻshligʻi toʻqimalarining oʻtkir va surunkali yalligʻlanishi, shuningdek hid bilish nervining zararlanishi, markaziy nerv sistemasi faoliyatining buzilishi va b. sabab boʻladi. Burun yoʻllarining berkilib qolishi sababli hidli moddalarning dimoqqa kirolmasligi natijasida respirator Anosmiya hidlov analizatorining zararlanishi natijasida nevrogen Anosmiya, hidlov hujayralarining atrofiyasi oqibatida qarilikdagi Anosmiya kelib chikadi. Tuta Anosmiya ham bor. Taʼm bilishda hidlovning ahamiyati katta, shuning uchun Anosmiyada taʼm bilish sezgisi ham juda pasayadi.