ALOQABANK

«ALOQABANK» — Oʻzbekistondagi ixtisoslashtirilgan aqsiyadorlik tijorat banki. 1995-y. 22-martda roʻyxatdan oʻtgan. Toshkent sh. da joylashgan. Qoraqalpogʻiston (Nukus sh.), Xorazm (Urganch sh.) filiallari bor. Respublikada asosan aloqa tarmogʻini qayta qurish va rivojlantirishga oid davlat dasturlarida ishtirok etadi, fantexnika yutuqlarini rivojlantirishga koʻmaklashadi, davlat byudjetining kassa ijrosiga doir hisob-kitoblarni moliyalashtiradi, mijozlarga turli bank xizmatlar koʻrsatadi. Aksiyadorlik kapitali summasi (mln. soʻm, 1997-y. 1 yanv.) 42,3, zaxira kapitali 10,5, berilgan kreditlar 136,9, koʻrilgan yillik foyda 67,8; jami aktivlari 724,1.