AJNOS

AJNOS (arab. — jins soʻzining koʻpligi — jinslar) — Sharq musiqa nazariyasida toʻrt va besh pogʻonali tovush-atorlar — tetraxord va pentaxordlar. Ajnosning bir necha turi bor. Ajnosi zulmaddatayn — ikki «modda» (katta sekunda)ni oʻz ichiga olgan jinslar; ularga bitta kichik sekunda qoʻshib, jinslarning maʼlum turlari hosil etiladi. Ajnosi qaviya — qattiqjinslar; Ajnosi layyina — yumshoq eshitiladigan jinslar; Ajnosi muloyima — yoqimli eshitiladigan jinslar; Ajnosi mufrad a — yakka jinslar, yaʼni mustaqil ishlatiladigan jinslar.