AHOLINING TABIIY OʻSISHI

AHOLINING TABIIY OʻSISHI — maʼlum davr ichida tugʻilganlar soni bilan oʻlganlar soni orasidagi farq. Aholining tabiiy oʻsishi — aholi oʻsishi intensivligining umumiy koʻrsatkichi boʻlib, odatda, koeffitsiyent b-n oʻlchanadi. Aholining tabiiy oʻsishi har 1000 kishiga nisbatan olinadi va promille (%o) bilan oʻlchanadi (Oʻzbekistonda 1996-y. A. t. oʻ. koeffitsiyenti 25,6% ni tashkil etdi).