ABSTRAKT SANʼAT

ABSTRAKT SANʼAT (lot. abstractus — mavhum) , abstraksionizm — tasviriy sanʼatdagi oqim. Rangtasvir, haykaltaroshlik, grafikada asosan real narsa va hodisalarni tasvirlashni rad etadi. 20-a. 10-y. larida Yevropa mamlakatlarida vujudga kelib, 40-y. larning oxiri — 60-y. larning boshida keng tarqaldi. Dastlabki namunalari rus V. Kandinskiy, K. Malevich, fransuz R. Delone va b. rassomlar tomonidan yaratildi. Keyinroq ukrain A. Arxipenko, rumin K. Brinkushi va b. abstrakt haykaltaroshlik tajribalariga murojaat qildi.