ABDULLA Musavvir Xurosoniy

ABDULLA Musavvir Xurosoniy — 16 – a. 2 – yarmida Buxoroda yashagan miniatyurachi rassom, Buxoro miniatyura maktabi vakili. Taniqli rassomlar Mahmud Muzahxib va Shayx Saʼdiy Mahmud qoʻlida tahsil koʻrgan. Hirot miniatyura maktabi anʼanalari taʼsirida, qoʻlyozma kitoblarga naqsh va nafis suratlar ishlagan. Shayx Sadiyning «Boʻston» (1542), «Guliston» (1543) va b. qoʻlyozmalarga ishlagan miniatyuralari buning dalilidir. Mashhad madaniy yodgorliklari muraqqasida Abdullaning hoz. tadqiqotchilar shartli ravishda nomlagan «Bogʻda musiqa asbobi bilan turgan miniatyurasi bor. A. ning 1575-y. da yaratgan «Uchrashuv», «Sevishganlar» nomli asarlari diqqatga sazovor.