ABDULKARIMBIY

ABDULKARIMBIY, Abdulkarimxon (1710-1750) — Qoʻqon xoni (1733—50). Minglardan, Shohruxbiyning oʻgʻli. Akasi Abdurahimbiy vafot etgach (1733), taxtga oʻtirgan. Xonlik oʻrdasini Qoʻqon yaqinidagi Tepaqoʻrgʻondan Qoʻqonga koʻchirgan. 1746-y. Oʻratepa hokimi Fozilbiy yordamida qalmoqlar hujumini qaytargan. A. Qoʻqon sh. da saroy, Madrasa, bozor va Isfara, Qatagʻon, Margʻilon, Toshkent, Haydarbek nomli shahar darvozalarini qurdirgan.