Yorim, xabaring yo’q,
Mandan xabaring yo’q,
Ko’nglimni yorit desam, yorim-a,
Afsus, xabaring yo’q. (x2)
Vasling kuni deb yonsa ham
Joni omoning bor, yorim xabaring yo’q.
Mushtoq bo’libon yo’lingga
Rangi somoning bor, aslo nazaring yo’q.
Gulgun yuzingga maftun bo’lib,
Qolmadi toqat, ko’nglimda farog’at.
Desamki, yorim man kabi zulmat
Osmoning bor, afsus qamaring yo’q.
Yorim, xabaring yo’q,
Aslo nazaring yo’q,
Ko’nglimni yorit desam, yor-ay,
Afsus, xabaring yo’q. (x2)
Soching torini bog’lab olib
Bo’ynima mahkam man oshig’i bekam,
Yursam shodimon, o’q otdi
Qosh-u kamoning bor, ammo zararing yo’q.
Kunduz boqayin oy yuzingga
Desamki takror, bo’lgandim umidvor.
Bundoq qarasam, shoming ayon
Ham xuftoning bor-a, nechun saharing yo’q?
Bundoq qarasam, shoming ayon
Ham xuftoning bor-a, nechun saharing yo’q?
Yorim, xabaring yo’q,
Aslo nazaring yo’q,
Ko’nglimni yorit desam, yor-a,
Afsus, xabaring yo’q. (x2)
O-o, nozing alami jondan o’tib,
Qonga ulandi-ya, so’ng ayladi bandi,
G’amzang mayida jonni o’rtovchi
Nordoning bor, qandu shakaring yo’q.
Holimni ko’rib ketsang desang,
Chiqib jon kabi, chaqsang chayon kabi,
Yorim, Botirni o’ldirmoqqa
Ming imkoning bor, garchi zaharing yo’q.
Yorim, xabaring yo’q,
Aslo nazaring yo’q,
Ko’nglimni yorit desam, yorim-a,
Afsus, xabaring yo’q. (x2)
Yorim, xabaring yo’q,
Yorim, xabaring yo’q…