Ey bulut, qora bulut,
Yuragim pora, bulut.
Yulduzim diydoriga
Topib ber chora, bulut. (x2)
Topgin bir chora, bulut.
Ko`zim tushmay ko`ziga,
Intizorman o`ziga.
Yomg`irday yor yuziga
Tomsaydim zora, bulut. {x2}
Qaldirg`och ko`zliginam,
U shirin so`zliginam,
Dil sirin menga bu dam
Aytsin bir bora, bulut. {x2}
Ey bulut, qora bulut,
Yuragim pora, bulut.
Yulduzim diydoriga
Topib ber chora, bulut,
Topgin bir chora, bulut. (x2)
Baxtimiz kechasida,
Gulyuzim ko`chasida,
Chaqmog`ing chaqib-chaqib,
Sog`aver, qora bulut,
Sog`aver, qora bulut. (x2)
Ey bulut, qora bulut,
Yomg`iring chorla, bulut.
Go`zalim o`z-o`zimga
Bo`ldi yor-yora, bulut,
Bo`ldi yor-yora, bulut. (x2)
Ey bulut, qora bulut,
Yuragim pora, bulut.
Yulduzim diydoriga
Topib ber chora, bulut,
Topgin bir chora, bulut. (x2)
Ushbu qo`shiq matni uchun Shahnoza (@shahnoz_art)ga minnatdorchilik bildiramiz.