MITRA

MITRA — qadimda Hindiston, Eronda bosh xudolardan biri. Mitraga yorugʻlik, pokizalik va haqiqat xudosi sifatida eʼtiqod qilingan. Mil. av. 6-a. dan Mitraga sigʻinish Kichik Osiyo hamda Furot va Dajla daryolari oraligʻida tarqaldi. Keyinroq Mitraga sigʻiniladigan alohida din—mitraizm paydo boʻldi. Bu din ellinlar orasida, mil. 1-a. dan boshlab Rimda, 2-a. dan butun Rim imperiyasida mashhur edi.