DEMON

DEMON (yun. daimon — ruh, xudo) — yovuz, «nopok» kuchlarni gavdalantiruvchi xayoliy mavjudot — shayton, iblis, jin, alvasti va h. k. Iudaizm va xristianlik rivoyatlarida Demon gunohga botgan (xudoga itoat qilishdan bosh tortgan) farishtalar deb hisoblangan. Baʼzan Olimp xudolari ham Demon deb atalgan. Demon odamga bevosita taʼsir qiladi, falokat yuboradi yoki biron-bir halokatli voqealarga olib keluvchi yoʻlga boshlaydi. Shu tarzda yunon mifologiyasida Demon koʻp hollarda inson taqdirini hal qilgan qandaydir mavhum ilohiy kuch sifatida tasavvur qilingan.