PARSHIN Vil Semyonovich

PARSHIN Vil Semyonovich (1927.7.12, Toshkent) — grafik rassom, Oʻzbekistonda xizmat koʻrsatgan sanʼat arbobi (1982). Parshin Benkov nomidagi Respublika rassomlik bilim yurti (1949) va Vilnyus Badiiy in-ti (1957)ni tugatgan. Parshin, asosan, dastgoh grafikasida ijod qiladi. Parshin ijodiga quvnoq kayfiyat, ochiq yumor hissi xos, kundalik dolzarb hayotiy masalalar sodda shaklda tasvirlanadi: «1966-y. 26 apr. dan soʻng» (Toshkent zilzilasiga bagʻishlangan) linogravyuralar turkumi (1967); «Paxta bayramida» (1967), «Biz shu yerda yashaymiz» (1967) turkumlari; «Navoiy» albomiga ishlangan gravyu-ralar, «Ilk qadamlar» linogravyuralar turkumi (1971) va b.