KSEROFTALMIYA

KSEROFTALMIYA (yun. xeros — quruq va ophthalmos — koʻz) — koʻz shilliq va mugoʻz pardalarining qurib qolishi. Shu pardalar oziklanishining buzilishidan kelib chiqadi. Traxoma va b. koʻz kasalliklari, ayrim avitaminozlar, ayniqsa, A vitamin yetishmasligi, baʼzan kimyoviy moddalardan kuyish sabab boʻlishi mumkin. Bunda koʻzdan yosh chiqmay, mugoʻz parda xira tortadi, koʻz yaxshi koʻrmaydi, loʻqillab ogʻriydi, qovoq ogʻir tuyuladi. Kseroftalmiyaga davo, asosan, kasallikka sabab boʻlgan omilni bartaraf etishdan iborat.