MIRPOʻLATOV Koshif Isʼhoqovich

MIRPOʻLATOV Koshif Isʼhoqovich (1898 – Toshkent — 1991) — entomolog, Oʻzbekistonda xizmat koʻrsatgan fan va texnika arbobi (1970), q. x. fanlari d-ri (1969). Oʻrta Osiyo paxtachilik in-tini tugatgan (1934). SoyuzNI-XI oʻsimliklarni himoya qilish st-yasida ilmiy xodim, direktor (1937 — 57), Oʻrta Osiyo oʻsimliklarni himoya qilish in-ti direktori (1957—62), lab. mudiri (1963—70), maslahatchi (1970-y. dan). Gʻoʻza va beda kasalliklari hamda zararkunandalariga qarshi kimyoviy yoʻl bilan kurashishda ishlatiladigan purkagichning birinchi konstruksiyasini yaratgan. Ilmiy ishlari q. x. ekinlari zararkunadalari va ularga karshi kurashish usullariga bagʻishlangan.