GUSARLAR

GUSARLAR (vengercha birlikda — huszar) — yengil qurollangan otliq askarlar. Dastlab 1458-y. Vengriyada dvoryan otliq lashkarlardan tuzilgan. Keyinchalik Gusarlar eskadron va polklari koʻpgina Yevropa davlatlarining armiyalarida paydo boʻlgan. Polshada 16—17-a. larda Gusarlar — ogʻir kavaleriya. Rus armiyasida 1650-y. dan 1917-y. gacha saqlangan. 20-a. boshlarida Rossiyada 20 ta (shundan 2 tasi gvardiyachi) Gusarlar polki boʻlgan.