KANTEMIR Antiox Dmitriyevich

KANTEMIR Antiox Dmitriyevich [1708. 10(21).9, Konstantinopol — 1744.31. 3(11.4), Parij] — rus shoiri va diplomati. 18-a. rus klassitsizmi va yangi hajviy sheʼriyatining asoschilaridan. Peterburgda taʼlim olgan. 1732-y. dan Buyuk Britaniyada, 1738—44 y. larda Fransiyada elchi boʻlib ishlagan. Dastlabki ijodini tarjimadan boshlagan. 1729 — 31 y. lardagi hajviy sheʼrlarida Petr I islohotlarini himoya qilgan. Kantemir qasidalar, maktublar, masallar, dostonlar («Petrida»), falsafiy va estetik traktatlar («Tabiat va inson haqida», 1742 va b.) yozgan.