AMILATSETAT

AMILATSETAT, sirka kislotannig amil efiri. Xushboʻy, rangsiz suyuqlik, suyuqlanish t-rasi — 75ʻ, qaynash t-rasi 149,2°, zichligi 875,3 kg/m3. Mol. m. 130,18. A. sirka kislota bilan amil spirt konsentrlangan sulfat kislota ishtirokida qizdirilganida hosil boʻladi. Uning izomeri — izoamilatsetat «nok essensiyasi» nomi bilan ichimliklar va qandolat tayyorlashda ishlatiladi. Texnikada nitrotsellyuloza uchun erituvchi sifatida (kinoplyonkalar, selluloid i. ch. da) foydalaniladi.