“Ahmoqlar bilan hech qachon tortishmang! Aks holda…”

Quyida keltiriladigan fikrlar ijtimoiy tarmoqlardagi “Tarix muxrlagan soʻzlar” sahifasidan olib tarjima qilingan. Bundan tashqari sahobai kiromlar, ulugʻ olimlar, Yaqin Sharq, Osiyo, Yevropa va Amerika mutafakkirlarning bir qator fikrlari ham berilgan.

• Kishiga yetadigan eng katta musibatlardan biri – oʻz nafsidagi kamchilik, nuqsonni bilganidan keyin unga parvo qilmasligi, oʻsha narsa uchun mahzun boʻlmasligidir.

Abdulloh ibn Muborak rahimahulloh 

• Sel kelsa, baliq (selda oqib kelgan) chumolilarni yeydi. Suv qurisa, chumolilar baliqni yeydi. Hayotda barchaning fursati keladi. Hech kimni kamsitmang!

«Tarix muxrlagan soʻzlar» 

• Baʼzi paytlarda turgan joyingdan ketishing koʻpchilikni saqlab qoladi. 

• Bir odam Ibrohim ibn Adhamga bolalari koʻpligidan shikoyat qildi. Shunda u kishi: «Ulardan rizqi Allohning zimmasida boʻlmaganini mening oldimga yubor» dedilar. Haligi odam mulzam boʻlib, jim boʻldi.

«Al Bidoya van nihoya»dan 

• Ahmoqlar bilan hech qachon tortishmang! Aks holda ular sizni oʻz darajalariga tushirib oladilar-da, keyin oʻzlarining ahmoqlik borasidagi tajribalari bilan yengib qoʻyadilar.

Mark Tven