XARISBOBO MAQBARASI

XARISBOBO MAQBARASI — Xorazm viloyatidagi meʼmoriy yodgorlik (18—19-a. lar). Maqbara peshtoqli ziyoratxona va goʻrxonadan iborat; pishiq gʻishtdan bezaksiz, gumbaz tomli qilib qurilgan. Peshtoqli darvoza orqali ziyoratxona (4,0×4,0 m) va undan goʻrxona (3,0×3,0 m)ga oʻtiladi. Peshtoq yuqoriga tomon bir oz torayib borib, gʻishtin sharafa bilan yakunlangan. Ziyoratxona gumbazi qalqonsimon bagʻallarga oʻrnatilgan, goʻrxona gumbazi bir gʻisht qalinligida ishlangan.