MANDUB

MANDUB (arab. — tavsiya etilgan, lozim topilgan) — shariat hukmlaridan biri (farz, muboh, makruh, harom bilan birga). Dindorlar uchun bajarish lozim topilgan, tavsiya etilgan, lekin majbur hisoblanmagan amallar (mas, belgilanganidan ortiq xayrsadaqa qilish, jahlni bosish, qarzlarni kechib yuborish, jumadan tashqari vaqtlarda ham masjidga bot-bot chiqib turish, mehmondoʻst boʻlish, yoʻlni koʻrsatib koʻyish va sh. k.) M. hukmiga kiritilgan. Ixtiyoriy bajariladigan bir qancha urf-odatlar Mandub hisoblanadi, ular mohiyatan sunna qoʻygan talablardan keyin turadi, baʼzan ular ayni mazmunda ham talqin etiladi.