NIGILIZM

NIGILIZM (lot. nihil — hech nima) — mavjud ijtimoiy hayot shakli va axloqiy normalarni, madaniy meros hamda ideallarni inkor etish. Ijti-moiy-tarixiy taraqqiyot inqirozga uchragan davrlarda ayniqsa keng yoyildi. Nigilizm terminini birinchi marta nemis faylasufi F. G. Yakobi (1743—1819) qoʻllagan. Rossiyada bu termin I. S. Tur-genevning «Otalar va bolalar» (1862) romani nashr etilganidan keyin keng tarqaldi. 19-a. ning 2-yarmida krepostnoylik anʼanalarini va dinni inkor etgan raznochinshestidesyatniklarning radikal oqimi vakillari nigilistlar deb atalgan. Keyinchalik Nigilizm ter-mini inqilobiy mafkura va demokratik harakatni tahqirlash uchun ishlatilgan.