Тушда шайтон кўрса нима бўлади. Туш таъбири 999. Бирор киши тушида шайтонни кўрса, ўша ерда келишмовчиликлар бўлади. Тушда шайтон ўтган жойларда хафагарчилик, зулм, фалокатлар, қурғоқчилик туфайли очарчилик бўлади. Шайтоннинг чиққанини кўриш халқ орасида бидъат тарқаши, йўлдан адашишга ишорадир.
Шунингдек тушда кўрилган шайтон маккор, бепарво, динга душман, ҳирсга берилган кишига ишорадир. Тушида шайтон кўрган киши мунофиқ ва рашкчи бўлади.
Тушда иблис
Тушида шайтон ақл-ҳушини олгани, тутқаноқ ҳолга солганини кўрган киши инсонлар орасида судхўрлик қилганига ишора бўлади. Тушида шайтон йўлдан оздирганини кўрган кишининг молига зиён-заҳмат етади. Тушида ўзини шайтон сифатида кўрган киши одамларни калака қилади. Бу киши доимо шайтоннинг измида бўлади. Тушида шайтонинг ўлдирганини кўрган киши маккор кишиларга ҳийла ишлатади.
Тушда шакар
Тушда шакар кўриш ризқни қийинчилик билан топишга ишорадир. Баъзан тушда шакар кўриш ҳибсдан қутулиш, соғайиш, ҳомиладор аёлнинг қийин туғиши деб таъбир қилинади. Шакарни бойлик, деб таъбирловчилар ҳам бор. Бир дона қанд кўриш фарзанддир. Кўп қанд кўриш ғийбатдан дарак беради. Тушда ^чмиш кўриш ҳалол мол топишга ишорадир. Шакар лавлаги еса яхши феълли, ёлғон гапирмайдиган, ҳар ишга бурнини тиқадиган кишига ишора. Тушда кўрилган қандолатчи яхши табиатли инсондир.