FOKUS (matematikada) — 1) ikkinchi tartibli egri chiziq (ellips, giperbola, parabola) ning fokusi ushbu egri chiziq tekisligidagi shunday Gʻ nuqtaki, unda egri chiziqdagi har qanday nuqta b-n Gʻ orasidagi masofaning direktrisagacha boʻlgan masofaga nisbati oʻzgarmas va bu nisbat ekssentrisitetiga teng; F. ikkinchi tartibli chiziklarning optik xossalarini ifodalashda muhim oʻrin tutadigan nuqta. «Fokus» terminini 1609-y. nemis olimi I. Kepler kiritgan;
2) differensial tenglamalar nazariyasida Fokus differensial tenglamalar maxsus nuqtalarining bir turi. Bu nuqtadan oʻtuvchi integral egri chiziqlar oʻramlari soni cheksiz boʻlgan spirallardan iborat.