FARRUX YOSOR

FARRUX YOSOR — Darbandiya sulolasidan boʻlgan Shirvon hukmdori (shirvonshoh) (1462—1501). Farrux Yosor davrida Shirvon mustaqilligini saqlab, iqtisodiy jihatdan ancha yuksalgan. F,Yo. Oq qoʻyunli hukmdorlari ittifoqchisi boʻlgan. 1488-y. qizilboshlilar hujumini daf etgan, lekin Ismoil I Safaviy bilan boʻlgan jangda yengilib, jangda halok boʻlgan. Farrux Yosor davrida Shirvon Rus davlati bilan diplomatik (1465—66 y. larda elchilar almashingan, 1499-y. doʻstlik va hamkorlik haqida bitim tuzish haqida muzokaralar) va savdo munosabatlari oʻrnatgan Farrux Yosor oʻzining bunyodkorlik faoliyati bilan ham shuxrat qozongan.