FAYZOBOD XONAQOHI

FAYZOBOD XONAQOHI — Buxorodagi meʼmoriy yodgorlik (1598—99). Abdullaxon II davrida Doʻstum Devonbegi tomonidan qurdirilgan. Fayzobod xonaqohi koʻp xonali, peshtoqgumbazli, tarhi 35*28,8 m. Markazida gumbazli katta xonaqoh (12,7×12,7 m), 3 tomondan ravoqli bostirma (galereya) oʻrab turadi.

Old tomonida ulkan peshtoq, 2 yon tomonida 2 qavatli hujralar xamda ravokli yoʻlak joylashgan. Peshtoq va hujrapar tobadoniga ganchkori panjaralar ishlangan, xonaqoh gumbazi 8 qirrali poygumbazga oʻrnatilgan. Xonaga yorugʻlik poygumbazdagi darchalardan tushadi. Xonaqoh ichi, gumbaz osti qirma pardozi naqsh bilan nafis bezatilgan. Kulrang va sariq ganchdan oʻyib islimiy naqsh ishlangan. Bagʻallari muqarnas bn, hoshiyasi sodda naqshlar bilan ziynataangan. Fayzobod xonaqohi ochiqravokli galereya shaklida qurilganligi bilan ajralib turadi. Vayronaga aylangan Fayzobod xonaqohi 20-a. ning 70—80 y. larida Buxoro maxsus ilmiy taʼmirlash i. ch. ustaxonasi (ustalar A. Haitov, R. Qurbonov va b.) tomonidan qayta tiklangan.

0 0 голоса
Рейтинг статьи
Подписаться
Уведомить о
guest

0 комментариев
Старые
Новые Популярные
Межтекстовые Отзывы
Посмотреть все комментарии
0
Оставьте комментарий! Напишите, что думаете по поводу статьи.x