ALIBEKOV Lapas Alibekovich

ALIBEKOV Lapas Alibekovich (1939, Oqbuloq qishlogʻi, hoz. Jizzax viloyati, Zarbdor tumani) — tabiiy geograf. Oʻzbekiston Respublikasi fan arbobi (2000), geogr. fanlari d-ri (1988), prof. (1990). SamDU biologiya-geografiya f-tini tugatgan (1962), shu un-t geografiya ftida geoekologiya va tabiiy geogr. kafedrasi mudiri (1990-y. dan). Ilmiy faoliyati geogr. va ekologiya fanining insoniyat oldida turgan eng xavfli muammolaridan biri — choʻllashish jarayonlarining mexanizmlarini oʻrganishga bagʻishlangan.