ShEKSNA

ShEKSNA — RF Vologda viloyatidagi daryo, Volganing chap irmogʻi. Beloye koʻlidan boshlanib, Ribinsk suv omborining Sheksna qoʻltigʻiga quyiladi. Uz. 139 km, havzasining mayd. 19 ming km2. Volga — Boltiq suv yoʻli va Shim. Dvina suv sistemasiga kiradi. Asosan, qordan toʻyinadi. Quyilish joyidan 28 km da oʻrtacha suv sarfi 172 m3/sek. Okt. — dekabrda muzlab, apr. da muzdan boʻshaydi. Sheksna quyilish joyida Cherepoves shahri joylashgan. Daryoda Cherepoves gidrouzeli va suv ombori bor.