ASROROV

ASROROV Qudrat (1953.29.7, Surxondaryo vil. Sherobod sh.) — musavvir-kulol. Oʻzbekiston Respublikasi xalq ustasi (2000). Asrorov ijodida Surxon vohasining mehnatkash xalqi, goʻzal tabiati oʻz aksini topgan; milliy kulollik sanʼatini rivojlantirdi (koʻza, guldon, xum va b.), yangi shakl va mavzular bilan boyitdi. Ayniqsa, «Gʻijjakchi», «Doirachi», «Surnaychi», «Rubobchi», «Buvi», «Ip yigiruvchi», «Ayol» va b. asarlarida milliylik ufurib turadi. Asrorov asarlari b-n respublika va xorijiy mamlakatlar (Rossiya, Germaniya, Hindiston, Yaponiya va b.) koʻrgazmalarida ishtirok etgan.