DEVONKOʻL KOLLEKTORI

DEVONKOʻL KOLLEKTORI — Xorazm viloyatidagi yirik kollektor. Uning 1-navbati 1953-y. da (uz. 38,6 km, suv sarfi 5,3 m3/s), 2-navbati 1957-y. da (uz. 39,7 km, suv sarfi 7,0 m3/s) qurilgan. 1967— 74 y. larda rekonstruksiya qilinganidan keyin uz. 39,7 km, suv sarfi 13,2—23,0 m3/s ni tashkil etdi. Kollektor Xorazm viloyati Gurlan tumanida dehqonchilik qilinadigan yerlarning meliorativ holatini yaxshilash, shoʻr va drenaj, tashlama suvlarni chiqarib yuborishga xizmat qiladi. Devonkoʻl kollektori suvlari Daryoliq kollektoriga quyiladi.