FINAL (lot. fi nis — oxir, nihoya) — 1) tamom boʻlish, tugallash, yakun, mas, sport musobaqalarida gʻoliblar aniqlanadigan yakuniy uchrashuv;
2) (musiqada) — sahnaviy (opera, balet) va cholgʻu (simfoniya, sonata kabi) turkumli musiqa asarlarining xotima qismi. Asarning badiiy mazmunini umumlashtirib, mavzularning dramaturgik rivojiga yakun yasaydi. Opera F. i butun asar yoki muayyan parda kulminatsiyasini oʻz ichiga oladi, jadal rivoji, dramatizm yoki tantanavor xarakteri bilan ajralib turadi (yana q. Apofeoz). Cholgʻu Final koʻpincha tez surʼat, raqsbop ritmlar, jonli kayfiyatga asoslanadi.