FAKULTET (lot. fakultas — imkoniyat, qobiliyat) — oliy oʻquv yurtining oʻquvilmiy, maʼmuriytashkiliy boʻlinmasi. Bir yoki bir necha yondosh mutaxassisliklar boʻyicha talaba va aspirantlarni tayyorlash, xalq xoʻjaligi va madaniyatning tegishli sohasi xodimlarining malakasini oshirish, shuningdek, oʻzi birlashtirgan kafedralarning i. t. ishlariga rahbarlik qilish bilan shugʻullanadi.
Oʻquv yurtlarining Fakultet larga boʻlinishi oʻrta asrdagi un-tlardan boshlangan. Odatda, ilk un-tlarda 4 F. mavjud boʻlgan. Sanoat rivojlangan, fantexnika taraqqiyoti yuksalgan 18—19-a. larga kelib, oliy maktablardagi Fakultetlar soni koʻpaygan. Ixtisosliklar va taʼlim turlari boʻyicha oʻquv ishlarini samarali yoʻlga qoʻyish uchun, ayrim hollarda, Fakultet tarkibida bulimlar tashkil etiladi. Fakultet dagi uquv, taʼlimtarbiya va ilmiy ishlarga dekan rahbarlik qiladi. Fakultet faoliyatidagi asosiy masalalarni koʻrib chiqish uchun dekan rahabarligida Fakultet ilmiy kengashi tashkil etiladi.