NABOPALASAR

NABOPALASAR, Nabu aplautsur — Yangi Bobil podshoxligi va xaldey shoxlari sulolasi asoschisi (mil. av. 626—605-y. larda hukmronlik qilgan). 626-y. bobilliklarni Ossuriyaga qarshi qoʻzgʻoloni rahbari. Bobil 729-y. dan Ossuriya qoʻl ostida edi. Nabopalasar 626-y. oxirida — Bobil, 620-y. — Uruk, 615-y. — Nippur sh. larini egallagan. 614-y. Midiya podshosi Kiaksar bilan ittifoq tuzgan va u bilan birgalikda Ossuriya ustidan 609-y. uzil-kesil gʻalaba qozongan.