NEYROLINGVISTIKA

NEYROLINGVISTIKA (lot neuron – nerv va lingua — til) — psixologiya fani sohasi, afaziyaning psixolingvistik jihatlarini oʻrganadi. Neyrolingvistikaning fan sifatida vujudga kelishi, bir tomondan, neyropsixologiyaning, ikkinchi tomondan, lingvistika va psixolingvistikaning rivojlanishi bilan bogʻlangandir. Hoz. zamon neyropsixologiyasida Neyrolingvistika soʻzlashga miyaning sistemali funksiyasi sifatida, afaziyaga esa sistemaning buzilishi sifatida karaydi. Neyrolingvistikaning rivojlanishi psixolog A. R. Luriya (1902— 77) va uning shogirdlarining ilmiy ishlari bilan bogʻliqdir.